Il Program

Concert d’avertüra cul cor da duonnas Viva Voice Segl da Sils/Segl i.E.
Producziun interactiva cun involver al publicum
Direcziun: Laura Wallnöfer, dirigenta

Chaunt da cumpagnia

Chaunt da la damaun per grand e pitschen
Direcziun: Curdin Lansel, dirigent

Furmaziun da vusch individuela, uras da chaunt singul u in ensemble
Direcziun: Clara Sattler, dirigenta, chantadura e coach da vusch, Brixen
Direcziun: Sara-Bigna Janett, chantadura da concert e pedagoga da chaunt, Turich

Occupo

Cu nascha ün’ouvra contemporauna per cor ed orchester? Che instrumaints ed üsaglias drouva hoz ün cumponist per sia lavur? Chenünas sun las sfidas per creer üna cumposiziun nouva? Üna preschantaziun interactiva cun exaimpels da la Musica Salutaris.
Direcziun: Prof. André Fischer, ZHdK da Turich, cumponist, dirigent e professer da teoria da musica

Apero e barat
Sponsur da l’apero es il Lyceum Alpinum Zuoz

Prouva da cor publica cun ün dirigent internaziunel: Che fo el oter cu nus oters dirigents/otras dirigentas? Cu exercitescha el cul cor? Che recettas ans po el tradir per chürer ün cling net, per la furmaziun da vusch aint il cor, per l’interpretaziun da l’ouvra? Qualchünas chanzuns vegnan exercitedas minuzchusamaing. In ün’ufficina da diriger paun dirigentas e dirigents surpiglier la bachetta, perfecziuner lur möd da diriger e clapper ün resun fundo dal maister.
Direcziun: Prof. Johannes Knecht, HMDK Stuttgart

Occupo

Apero e barat
Sponsur da la marenda cun tuorta e cafè es il Cor masdo da Zuoz cun Cafè Badilatti

Rapreschantaziun da las ouvras exercitedas illa prouva publica: A vain experimento cull’acustica cun chanter in divers lös in baselgia. Inua clingia il cor il meglder, inua oda il public ün chaunt transparent, inua odan las chantaduras e’ls chantaduors bain ün a l’oter? Las experienzas dal dirigent, dal cor e dal public vegnan partidas e discusas.
Direcziun: Prof. Johannes Knecht, HMDK Stuttgart

Concert dal Vinschger Chor, il cuntschaint cor masdo regiunel dal Vnuost
Direcziun: Gernot Niederfriniger, dirigent, musicant e musicist da musica populera

Chaunt da cumpagnia

Furmaziun da vusch individuela, uras da chaunt singul u in ensemble
Direcziun: Clara Sattler, dirigenta, chantadura e coach da vusch, Brixen
Direcziun: Sara-Bigna Janett, chantadura da concert e pedagoga da chaunt, Turich

Occupo

Concert dal cor d‘iffaunts Cor Kids & cor da giuvenils Cool Cor – Cul Cour Engiadina Bassa
Direcziun: Nina Mayer, dirigenta e magistra da musica
Direcziun: Sidonia Caviezel, dirigenta e magistra da musica

Che capita e che as müda in nos tscharvè scha nus chantains e fains musica? Che ho la rapreschantaziun dal cor d’iffaunts da chefer cun ormons da vantüra e sinpsas? Cu müda il chaunt e la musica la plasticited dal tscharvè da l’iffaunt e dal creschieu? Ch’Ella / El as lascha surmner i’l muond da la perscrutaziun dal tscharvè misterius – declaro da maniera chapibla e cun arcumandaziuns praticas.

Direcziun: dr. Barbara Studer, neuroscienzeda a l’universited da Berna

Apero – Barat – Chaunt finel
Sponsur da l’apero es l’Hotel/Restorant/Furnaria Klarer a Zuoz