Curdin Lansel
Curdin Lansel es nat in Engiadina, ho absolt zieva il seminari da magisters il stüdi da musica per scoula I al conservatori a Turich (posauna scu instrumaint principel tar prof. U. Eichenberger, chaunt solistic tar prof. R. Hartmann) ed ho glivro cul predicat ‚Fich bun‘.
Sia abilited da diriger ho Lansel perfecziuno in scolaziuns cun persunaliteds scu Andrés Farkàs, Karl Scheuber, Willi Gohl, Peter Sigwart scu eir in furmaziuns reguleras a Salzburg. Lansel ho mno divers cors ed ho inizio divers progets da musica. Il cor masdo regiunel ‚Cor Proget‘ ho el fundo l’an 1993 ed ho diret 30 ans. El es dirigent da l’Ensemble Filarmonic Engiadina, ün orchester chi preschainta minch’an divers concerts pedagogics illas scoulas. Per sieu lung ingaschamaint a favur dals cors in Engiadina es Lansel gnieu onuro dal 2016 da l’Uniun da chaunt districtuela scu dirigent d’onur. L’Inscunter da chaunt a Zuoz ho Lansel fundo dal 2023.
A chaschun da l’Inscunter da chaunt a Zuoz 2024 maina Curdin Lansel il chaunt da la bunura. Minchüna e minchün es invido da cumanzer cumünaivelmaing il di cun chaunt sonor.
L’occurrenza ho lö in sanda, ils 14 settember da las 09.00-09.30 illa baselgia da San Luzi a Zuoz. A nun es necessari da s’annunzcher, entreda libra.