Sidonia Caviezel
Sidonia Caviezel, naschida 1991, es creschida sü a Martina. Ella ho glivro dal 2015 sieu stüdi da musica a la scoula ota d’art a Turich i’l ram principel accordeon ed i’ls rams laterels clavazin e chaunt da jazz. Zieva ho’la absolt la scoul’ota da pedagogia a Cuira, inua ch’ella ho la sted 2018 s’acquisteda il diplom scu magistra primara. Düraunt sieu temp da stüdi ho ella mno las gruppas da musica da l’associaziun Insieme Cerebral Winterthur scu eir la societed da musica Scuol ed ho instruieu illa scoula da musica Grischun Centrel ed illa scoula da chaunt a Cuira. Daspö avuost 2019 lavura Sidonia Caviezel scu magistra d’accordeon/d’orgelin da maun svizzer e maina cuors fundamentels ed il cor da giuvenils illa scoula da musica Engiadina Bassa/Val Müstair. Sco professiun principela es ella pedagoga curativa illa scoula primara Scuol. Sper differents progets musicals as preschainta ella regulermaing scu solista e part dal duo MI’AMIA. Il cor da giuvenils ‘Cool cor – cul cour’ maina ella fingià daspö tschinch ans.
A chaschun da l’Inscunter da chaunt a Zuoz 2024 concertescha Sidonia Caviezel cul cor da giuvenils da l’Engiadina Bassa, il ‚Cool cor – cul cour‘.
La producziun ho lö in dumengia, ils 15 settember 2024 da las 10.00-11.00 illa baselgia da San Luzi a Zuoz. A nun es necessari da s’annunzcher, entreda libra, collecta.