Cyrill Schürch
Cyrill Schürch es ün cumponist e pianist svizzer chi unescha la musica, la lirica, l’energia e la clerezza ad üna vusch contemporauna caracteristica. Sias ouvras – da tocs per cor ed orchester fin a musica da chombra e pedagogica – sun gnidas preschentedas in tuot l’Europa ed eir sur mer. Il Swiss Festival Orchestra ho suno la prüma rapreschantaziun da sia ouvra briglianta per orchester ‘IMPETUGIUM’ aint il Casino a Zug vendieu our. Cuort zieva ho la Zürcher Sing-Akademie preschanto a la concurrenza internaziunela da cors a Marktoberdorf sia ouvra impreschiunanta ‘The Song of the Star’.
Sias ouvras publichedas tar EMR (Svizra), tar la chesa editura Carus (Germania), tar la chesa editura Helbling e tar AVA-Editions sun gnidas premiedas suvenz per lur qualited artischauna e per lur expressivited.
Cyrill Schürch ho promovieu in cumposiziun al King’s College London ed ho eir ragiunt diploms da bachelor e da master (BM, MM) taunt in cumposiziun scu eir in clavazin a la Moores School of Music da l’University of Houston. Actuelmaing cumpona el diversas ouvras in incumbenza dad ensembles e cors da la Svizra e da l’exteriur.
A chaschun da l’Inscunter da chaunt a Zuoz 2026 quinta Cyrill Schürch al public da sia optica e da sieu process da lavur scu cumponist pertuchant musica e lingua.
Quista spüerta ho lö in sanda, ils 26 settember 2026 da las 17.00-18.30 illa baselgia San Luzi a Zuoz. Ingün’annunzcha necessaria, entreda libra, collecta. A nun es necessari da s’annunzcher, entreda libra, collecta.