Barbara Studer
Dr. Barbara Studer, neuroscienzieda, es confundatura e CEO da Hirncaoch SA.
La neuroscienzeda promovida lavura illa perscrutaziun, ill’instrucziun ed illa pratcha. Zieva avair s-chaffieu e mno ün post specialiso a l’Universited da Berna ho ella fundo il Spin-off-coach dal tscharvè, cun il quêl ella e sieu team spordschan programs cumplessivs per la fitness mentela e la sandet per giuvenils fin persunas pü attempedas. Ella es marideda, mamma da trais iffaunts ed es eir d’inscuntrer scu referenta e musicista.
A chaschun da l’Inscunter da chaunt a Zuoz 2024 as referescha Barbara Studer al concert dals cors d’iffaunts da l’Engiadina Bassa chi ho güst gnieu lö e declera, cun involver als iffaunts ed al public, perche cha’l chaunt es important per nos tscharvè. Che ho la rapreschantaziun dal cor d’iffaunts da chefer cun ormons da vantüra e sinpsas? Cu müda il chaunt e la musica la plasticited dal tscharvè da l’iffaunt e dal creschieu? Ch’Ella / El as lascha surmner i’l muond da la perscrutaziun dal tscharvè misterius – declaro da maniera chapibla e cun arcumandaziuns praticas.
L’occurrenza ho lö in dumengia, ils 15 settember 2024 da las 11.00-12.00 illa baselgia da San Luzi a Zuoz. A nun es necessari da s’annunzcher, entreda libra, collecta.