Rico Valär
Rico Valär es creschieu sü a Zuoz ed ho stüdgio linguas neolatinas e rumauntsch a l’Universited da Turich. El es sto traductur tar la Chanzlia federela, mneder d’üna partiziun a l’Uffizi federel da cultura e moderatur tar la Televisiun Rumauntscha. Daspö il 2018 es el professer per litteratura e cultura rumauntscha a l’Universited da Turich. El ho procuro per ediziuns criticas da las ouvras da Peider Lansel, Jon Pult, Cla Biert e Clementina Gilly, realisescha progets da perscrutaziun davart la litteratura rumauntscha e grischuna ed intermediescha cun referats, moderaziuns e recensiuns la litteratura rumauntscha ad ün public vast e pluriling.
A chaschun da l’Inscunter da chaunt a Zuoz 2026 approfundescha Rico Valär texts dal chantautur Curdin Nicolay ed oters exaimels our da la litteratura rumauntscha. Il linguist, il chantautur e’l public as mettan insembel in viedi per scuvrir dumandas da la musica e la lingua.
L’occurrenza ho lö in venderdi, ils 25 settember 2026 da las 20.00-21.30 illa baselgia da San Luzi a Zuoz. A nun es necessari da s’annunzcher, entreda libra, collecta. A nun es necessari da s’annunzcher, entreda libra, collecta.