Manfred Koch
Manfred Koch es naschieu dal 1955 a Stuttgart, ho stüdgio filosofia, germanistica ed istorgia a Tübingen. Dal 1987 ho el promovieu cun üna lavur davart Hofmannsthal e Rilke, dal 2001 ho el ragiunt l’abilitaziun davart la noziun ‘litteratura mundiala’ da Goethe. Fin dal 2021 es sto Koch professer per istorgia da litteratura tudas-cha a l’Universited da Basilea. Passa vainch ans ho lavuro Manfred Koch scu collavuratur liber dal feuilleton da la NZZ e scu autur dad essais da radio per il Südwestrundfunk Baden-Baden. Insembel cun sia duonna Angelika Overath maina el üna scoula per scriver creativ a Sent, inua ch’el viva daspö il 2007.
A chaschun da l’Inscunter da chaunt a Zuoz 2026 tegna Manfred Koch ün referat davart musica illa lingua, cling aint il pled. Quist arrandschamaint ho lö in dumengia, ils 27 settember 2026 da las 10.00 – 11.00 illa baselgia San Luzi a Zuoz. Ingün’annunzcha necessaria, entreda libra, collecta.
Güst zieva, da las 11.15 – 12.30, approfundescha Manfred Koch in temp simultan singuls texts dal concert da l’Ensemble vocal Consonus (dir. Mauro Ursprung) suot l’aspet da musica e lingua. Ingün’annunzcha es necessaria, entreda libra, collecta.